close

Իրավիճակ, երբ սիրած տղան անսպասելի խզում է կապերը





 

   


Մի օր սիրելիդ զանգեց և ասաց, որ ձեր միջև ամեն ինչ վերջացած է: 


Դեռ երեկ ամեն ինչ հրաշալի էր. նա քեզ ծաղիկներ էր նվիրում, ուշադիր էր, սիրալիր, քեզ ասում էր «արևս», «կյանքս», այլ քնքուշ խոսքեր: Նույնիսկ «համարձակվել» էր ծանոթանալ մայրիկիդ հետ և հաճելի տպավորություն էր թողել նրա վրա: Ամուսնության մասին խոսակցություն ձեր միջև դեռ չէր ծավալվել, բայց ամեն ինչ տանում էր դրան. ենթադրում էիր, որ շուտով քո մատնեմատը կզարդարվի ամուսնական մատանիով:  Եվ հանկարծ տեղի է ունենում անկանխատեսելին. նա զանգում է քեզ և ասում, որ ամեն ինչ վերջացած է: Ընդ որում` առանց բացատրությունների ցած է դնում լսափողը:
 

Ինչպե՞ս պահել նման իրավիճակում: Որո՞նք են ձեր սիրո նավի ուղղության նման կտրուկ փոփոխության պատճառները և, վերջապես, արժե՞, չնայած սիրելիիդ վճռականությանն ու կտրուկ պահվածքին, փորձել վերադարձնել ամեն ինչ նախկին հունին: Թե՞ բարձն արցունքներով հեղեղելով` առերես երջանիկի տեսք ընդունել և մտովի գրողի ծոցն ուղարկել նրան:
 
Նախևառաջ` պետք է հասկանալ` որոնք են առաջին հայացքից տարօրինակ այդ պահվածքի շարժառիթները:

 
1-ին ամենատարածված պատճառը` չարակամների որոնում:

Նախանձն այնպիսի զգացմունք է, որը տիրելով մարդուն, դրդում է նենգության և դավադրության: Ուշադիր նայիր շուրջդ: Չկա՞ շրջապատում այնպիսի մի ընկերուհի, ով ձև է ընդունել, թե մենությունը բնական վիճակ է իր համար: Արդյո՞ք նա բացարձակ անկեղծ է քեզ հետ պնդելով, թե անհետացող թիթեռների հերբարիում հավաքելն աշխարհի ամենագրավիչ զբաղմունքն է, իսկ տղամարդիկ նրա մեջ ոչ մի զգացմունք չեն առաջացնում, բացի խղճահարությունից: Եթե նման ընկերուհի կա, բացառված չէ, որ հենց նա է դարձել ձեր բաժանման անուղղակի դրդողը` օրինակ, որպես գաղտնիք սիրելիիդ պատմելով, թե դու անցած ուրբաթ ծանոթներից մեկի տարեդարձին «խաղեր ես տվել¦ մի ամբողջ ֆուտբոլային թիմի հետ:
 
Իրավիճակ, երբ սիրած տղան անսպասելի խզում է կապերը


Հնարավոր է նաև, որ «բարի կամեցողը» սիրելիիդ ծանոթներից մեկն է, ով վաղուց «աչք ունի» քեզ վրա և հիմա, գիտակցելով, որ ձեր հարաբերությունների հաջորդ փուլը հարսանիքն է, որոշել է գնալ ծայրահեղ քայլերի: Նրա նապատակը քեզ հասնելն է, իսկ նպատակն իրագործելու համար արդարացվում են բոլոր միջոցները: Եթե նման ծանոթ կա, սպասիր, շուտով վեճից հետո նա անպայման կհայտնվի մխիթարողի դերում:
 
2-րդ շատ լուրջ պատճառը` վախ սպասվող ամուսնությունից
 
Ամուսնությունը տղամարդու համար մեծ պատասխանատվություն է, և զարմանալի չէ, որ նրանցից շատերը վախենում են այդ պատասխանատվությունից: Ուստի երբեմն  խզում են լուրջ հարաբերություններն աղջկա հետ` նախընտրելով որոշ ժամանակ շարունակել առանց պարտավորությունների թեթև կապերը: Զգալով, որ զուգընկերուհու հետ հարաբերությունների հաջորդ փուլը ամուսնական առաջարկություն անելն է` տղամարդը պարզապես կարող է վախենալ և փախչել նրանից առանց բացատրությունների:
 
3-րդ ցավալի պատճառը. նրա զգացմունքները քո հանդեպ իսկապես փոխվել են,

բայց նա կողմնակից չէ հարաբերությունների պարզաբանման, տանել չի կարողանում լուրջ խոսակցությունները, ուստի ընտրել է վերջակետ դնելու ամենացավոտ ու արագ տարբերակը:
 
Ինքդ քեզ համար պարզելով հնարավոր պատճառը` որոշիր` ինչպես գործել հետագայում: Առաջին երկու դեպքում նախքան հաշտեցման որևէ քայլ ձեռնարկելը լավ մտածիր` իսկ պե՞տք է քեզ նման մարդը: Մեկ անգամ հավատալով քո մասին բամբասանքներին` շատ հնարավոր է, որ հավատա նաև մյուս անգամ: Փոխադարձ հարգանքն ու վստահությունն ընտանիքում նույնքան անհրաժեշտ են, որքան և սերը:
 
Իսկ ինչ վերաբերում է վախին ամուսնության նկատմամբ, դա կարող է դառնալ սովորություն, և այդ դեպքում սիրելիի հետ երջանիկ կյանքի մասին մնում է միայն երազել:
 
Եվ վերջապես, եթե տղան քեզ իսկապես էլ չի սիրում, ցավոք, պետք է համակերպվել դրան: Հանիր նրան մտքիցդ: Կյանքը նրանով չի վերջանում: Դու դեռ շատ ժամանակ ունես գտնելու քո երջանկությունը:



Իրավիճակ, երբ սիրած տղան անսպասելի խզում է կապերը թեմայով այլ հոդվածներ


 

Տարածել...
 


Translation  Русский  English  Français   Español   Türkçe   ქართული   فارسی




Կատեգորիա: Ամենաընթերցվող նյութերից | Ավելացրեց: Kiss.am (15.03.16) Դիտումներ: 5205 | Տեգեր: երկուսով | Վարկանիշ: 0.0/0

Kiss.am-ը ներկայացնում է օգտակար հոդվածներ և տեսանյութեր առողջության, կիրառելի առօրեական հնարքների, հոգեբանության, կին-տղամարդ հարաբերությունների, կյանքի իրական պատմությունների, նշանավոր անձանց (և ոչ միայն այս ամենի) մասին: Հետևեք նաև մեր ալիքին YouTube-ում. ավելի, քան 180հզ. բաժանորդ:

Աուդիո/վիդեո նյութերը տեղադրված են միայն անհատական ծանոթացման համար: Կոմերցիոն օգտագործումն արգելվում է: Գովազդների բովանդակության համար կայքի խմբագրությունը պատասխանատվություն չի կրում:

Մեր Գովազդային առաջարկներին կարող եք ծանոթանալ ԱՅՍՏԵՂ: E.mail: [email protected]

  Яндекс.Метрика