Երկարատև ընկճախտը, սթրեսային հոգեվիճակը, նյարդային համակարգի խանգարումները մեծ վնաս են հասցնում առողջությանը: Կան խոտաբույսեր, որոնք տրամադրությունը բարձրացնող, նյարդերը հանգստացնող, ուժերը վերականգնող հատկություն ունեն: Դրանցով պատրաստած թուրմերը կօգնեն հաղթահարել հոգեկան լարվածությունը:
Լավ է օգնում, օրինակ, լեռնային հնդկամոլախոտով (հնդկացորենի տեսակ է) թուրմը: 2/3 ճաշի գդալ տերևներին ավելացնել 2 բաժակ եռացրած ջուր, խմել օրվա ընթացքում` ուտելուց առաջ: Մեկ այլ տարբերակ է օձասխտորով (հարցրեք դեղատներում) թուրմը. 2 թեյի գդալ մանրացրած տերևներին և արմատին 1 բաժակ եռացրած ջուր ավելացնել, եռացնել 10 րոպե, խմել օրը 3 ամգամ` կեսական բաժակ, ուտելուց 30 րոպե առաջ:
Նյարդային լարվածությունը թուլացնող միջոց է նաև անանուխով (դաղձ) թեյը: 1 ճաշի գդալ անանուխի տերևներին 1 բաժակ եռացրած ջուր ավելացնել և 10 րոպե եփել: Խմել առավոտյան և երեկոյան` կեսական բաժակ:
