Բալդասար Գրասիան. «Խելամտության արվեստը» (մաս 1-ին)
 

1. Ամեն ինչ հասել է արդեն իր հասունությանը, առավել ևս՝ ձեռք բերել անհատականություն: Հիմա մեկ իմաստունից պահանջվում է ավելին, քան հնում կպահանջվեր յոթից, և մեկ մարդու հետ հարաբերվելիս ներկայիս ժամանակաշրջանում  հարկավոր  է  ավելի մեծ արվեստ, քան երբևէ անհրաժեշտ էր մի ամբողջ ժողովրդի հետ հարաբերվելու համար:


2.  Նատուրա  և կուլտուրա  (բնություն և մշակույթ): Երկու հիմնասյուները, որոնց վրա բազմում են բոլոր արժանիքները: Մեկն առանց մյուսի թերի է: Կրթությունը դեռ ամենը չէ, հարկ է և օժտվածություն: Տգետի դժբախտությունն այն է, որ նա սխալվում Է կյանքում իր կոչման, զբաղմունքի ընտրության, հարազատ երկրում և ընկերների շրջանում ունեցած իր դերի հարցում:

/Իմաստություն (ընթերցարան) - Բալտասար Գրասիան. «Խելամտության արվեստը» (մաս 1-ին) " />

Загрузка...
Ողջույն, Հյուր!
       Կիրակի, 24.09.17  Русский  English  Français   Español   Türkçe   ქართული   فارسی

Գլխավոր էջ » Հոգեբանություն » Իմաստություն (ընթերցարան)


Բալտասար Գրասիան. «Խելամտության արվեստը» (մաս 1-ին)
 
 
Загрузка...


Բալդասար Գրասիան. «Խելամտության արվեստը» (մաս 1-ին)
 

1. Ամեն ինչ հասել է արդեն իր հասունությանը, առավել ևս՝ ձեռք բերել անհատականություն: Հիմա մեկ իմաստունից պահանջվում է ավելին, քան հնում կպահանջվեր յոթից, և մեկ մարդու հետ հարաբերվելիս ներկայիս ժամանակաշրջանում  հարկավոր  է  ավելի մեծ արվեստ, քան երբևէ անհրաժեշտ էր մի ամբողջ ժողովրդի հետ հարաբերվելու համար:


2.  Նատուրա  և կուլտուրա  (բնություն և մշակույթ): Երկու հիմնասյուները, որոնց վրա բազմում են բոլոր արժանիքները: Մեկն առանց մյուսի թերի է: Կրթությունը դեռ ամենը չէ, հարկ է և օժտվածություն: Տգետի դժբախտությունն այն է, որ նա սխալվում Է կյանքում իր կոչման, զբաղմունքի ընտրության, հարազատ երկրում և ընկերների շրջանում ունեցած իր դերի հարցում:


3. Գործել ծածուկ: Անակնկալությունը հաջողության գրավականն է: Բացահայտ խաղի մեջ ոչ մի օգուտ չկա: Մտադրություններդ չհրապարակելով՝ հետաքրքրություն կհարուցես, հատկապես այն դեպքում, երբ դիրքիդ բարձրությունը ենթադրում է համընդհանուր սպասելիքներ, մտահղացումները գաղտնիության քողով շրջապատում և հենց այդ խորհրդավորությամբ իսկ ակնածանք ներշնչում:
Անգամ երբ ուզում ես հասկացված լինել, խուսափի՛ր բացահայտությունից ու թույլ մի՛ տուր ամեն մեկին առանց խտրության ներթափանցել հոգիդ: Լռին զսպվածությունը խելամտության սրբարանն է:
Հրապարակել մտահղացումը նույնն է, թե կորստի դատապարտել այն: Այդ դեպքում վաղօրոք կգտնեն դրա թերի կողմերը, իսկ թե անհաջողության մատնվի, կրկնակի փորձանք կբերի:
Սյսպիսով՝ գործողություններիդ մեջ ընդօրինակիր աստվածայինին, որպեսզի միշտ լարված ուշադրություն գրավես դեպի անձդ:


4. Իմաստություն և քաջություն. մեծության հիմքը: Անմահները պարգևում են անմահություն: Ինչքան մարդը գիտի, այնքան մարդ է: Գիտեցողն ամենակարող է: Տգետի համար աշխարհը խավար է: Խելք և ուժ, աչքեր և ձեռքեր: Առանց համարձակության խելքն ամուլ է:

 

Բալդասար Գրասիան. «Խելամտության արվեստը» (մաս 1-ին)


5. Թող կարիքդ զգան: Ավելի լավ է քեզնից խնդրեն, քան շնորհակալ լինեն: Հիմնվել նենգ երախտագիտության վրա նշանակում է հուսաթափել վեհ ակնկալիքները. ինչքան երկրորդը վաղամոռաց է, այնքան առաջինը՝ հիշվող: «Կախյալ» մարդիկ ավելի ձեռնտու են, քան նրբակիրթները: Ծարավը հագեցնելով՝ երես կթեքեն ադբյուրից: Ինչպես քամած նարինջ՝ շքեղ սպասքից գարշահոտ ճահիճը կշպրտեն: Վերջ կարիքին, վերջ և մտերմությանը, իսկ դրա հետ' ծառայությանը:
Թող սա լինի քո առաջին կենսական սկզբունքը. Ամրապնդի՛ր մարդկանց կարիքը դեպի անձդ, մի՛ բավարարիր այն ամբողջությամբ, թող քո կարիքը մշտապես զգան:
Բայց չարժե նաև չափազանց գաղտնակյացությամբ մոլորության մեջ գցել, առավել ևս՝ մերձավորին չարիք պատճառել հանուն սեփական բարեկեցության:


6. Մարդու հասունությունը. Հասուն չեն ծնվում, բայց օր առ օր կատարելագործելով սեփական անհատականությունը, հմտանալով ընտրած գործի մեջ' հասնում են առավելագույն հասունության, արժանիքների լիարժեքության: Դա արտահայտվում է և՛ անօրինակ ճաշակի ու սուր մտքի, և՛ դատողությունների խորության ու նպատակների հստակության մեջ:
Ոմանց այդպես էլ չի հաջողվում հասնել կայացածության, նրանց մոտ միշտ ինչ-որ բան թերի է: Ոմանք էլ իրենց կայացած են գտնում ուշ:

Կատարյալ մարդը իմաստուն է խոսքում, խելամիտ՝ գործում և միշտ՝ հաճելի դատող մարդկանց համար, ովքեր ծարավի են շփման նրա հետ:


7. Խուսափել հաղթանակներից գերադասների հանդեպ. Հաղթել նշանակում Է հարուցել տհաճություն: Իսկ սեփական տիրոջը հաղթելն անխելամիտ է, բացի այդ վտանգավոր:
Որևէ մեկի գերազանցությունը ատելի զգացում է' մանավանդ ազնվատոհմիկ մարդկանց համար: Առավելություններդ ջանալու դեպքում կարող ես թաքցնել այնպես, ինչպես գեղեցկությունն են թաքցնում համեստ հանդերձանքի միջոցով:
Շատերը' հատկապես ուժեղներն այս աշխարհի, աներկբայորեն կհամաձայնեն, որ ուրիշներին զիջում են հաջողակության, մնացած շնորհների, բայց ոչ խելքի մեջ:

Թարգմանությունը՝ Հայկ Բլբուլյանի:



Տարածել...


loading...

Նմանատիպ նյութեր
Այլ նյութեր ՆՈՒՅՆ ԹԵՄԱՅՈՎ՝ այստեղ,    
На русском,  English,  Français,   Español,   Türkçe,
  ქართული,   فارسی,

Միացեք մեզ YouTube-ում... 15հզ. բաժանորդ



Նոր նյութեր


«Եթե քո բոլոր օրերը նման են մեկը մյուսին, ուրեմն ապրել ես ԸՆԴԱՄԵՆԸ 1 օր» 
Եթե համաձայն ես, սեղմիր Հավանել   

 

Загрузка...
Загрузка...
Կատեգորիա: Իմաստություն (ընթերցարան) | Ավելացրեց: erkusov.com (10.03.16)
Դիտումներ: 540 | - Վարկանիշ -: 0.0/0

Загрузка...