Загрузка...
Ողջույն, Հյուր!
       Ուրբաթ, 20.10.17  Русский  English  Français   Español   Türkçe   ქართული   فارسی

Գլխավոր էջ » Օգտակար և հաճելի » Ամենաընթերցվող նյութերից


Ահա այն 7 հիմնական պատճառները, որոնց համար կանայք դավաճանում են իրենց ամուսիններին
 
 
Загрузка...



 
Զույգերի դավաճանության մասին խոսելիս մարդիկ բաժանվում են երեք ճամբարների։ Առաջին՝ նրանք, ովքեր կարծում են, որ տղամարդիկ ավելի հաճախ են դավաճանում, քան կանայք, երկրորդ՝ կանայք գերազանցում են տղամարդկանց այս հարցում, և երրորդ՝ դավաճանող կանանց և տղամարդկանց թիվը հավասար է, գրում է www.psy.passion.ru-ն:

Ըստ վիճակագրական տվյալների՝ կանանց 21-50%-ը գոնե մեկ անգամ դավաճանել է իր ամուսնուն։ Իհարկե, ցանկացած պարագայում դավաճանությունն իր պատճառներն ունի, բայց այսօր կքննարկենք, թե ինչու են դավաճանում կանայք։

 

 

1. Տղամարդն անուշադիր է

 

Ընտանեկան կյանքի ընթացքում զույգերը սկսում են ավելի անտարբեր լինել միմյանց նկատմամբ, ինչն էլ դառնում է հաճախակի վիճաբանությունների և անհետաքրքիր կյանքի պատճառ։ Արդյունքում, ամուսինն իր ժամանակն անցկացնում է համակարգչի առաջ խաղ խաղալով, ավտոտնակում, բայց ոչ իր սիրելի կնոջ կողքին։ Ահա հենց այս անտարբերությունն էլ կարող է «դրդել» կնոջը դավաճանել ամուսնուն։

Երբ տղամարդն անտարբեր է Ձեր նկատմամբ, նշանակում է, որ Դուք այլևս հետաքրքիր չեք նրան։ Ուրեմն ժամանակն է ոճային փոփոխություններ անել և ավելի կանացի դառնալ։ Ուշադրություն դարձրեք Ձեր արտաքին տեսքին, ոճին, սանրվածքին հագուստին, օծանելիքին և այլն։ Ցանկացած տղամարդ գեղեցիկ կին է ցանկանում տեսնել իր կողքին։

 

2. Թուլակամ ամուսին

 

Իրականում սա մեծ խնդիր է հարաբերություններում, նույնիսկ եթե կինը չի դավաճանում իր ամուսնուն։ Տղամարդը պետք է հավասարակշռված, հասուն, կայուն, ուժեղ լինի, ում կողքին կինն իրեն թույլ, բայց պաշտպանված կզգա։ Եվ եթե կինն այս զգացողությունները չի ունենում, նա փորձում է այս ամենը մեկ ուրիշի մեջ գտնել։

Այս ցանկությունը զսպելու համար մեծ կամքի ուժ է հարկավոր, սակայն դավաճանելուց առաջ պետք է մի լավ մտածել՝ միգուցե Դուք կարող եք վերանայել Ձեր բնավորության գծերը և դադարեք այդքան ուժեղ ու պահանջկոտ լինել։

 

3. Ամուսինը կնոջ կողքին չէ

 

Ամուսինը մշտապես գործուղման է, նա բացակայում է կնոջ կյանքից։

Իհարկե, այսպես կյանքն անհետաքրքիր է, և կինը ցանկանում է կին զգալ իրեն՝ մտածելով դավաճանության մասին։ Իսկ ի՞նչ անել այս պարագայում։

Առաջին հերթին պետք է հիշել, թե ինչու է ամուսինը հեռացել Ձեզանից. միգուցե բաժանումը եղել է Ձեր երկուսի որոշումը։ Բացի այդ, պետք է մտածել, որ նա նույնպես առանց զուգընկեր է, միայնակ է զգում իրեն, բայց Ձեզ չի դավաճանում։ Եվ իհարկե, չի կարելի հիմար կասկածների պատճառով սեպ խրել հարաբերությունների մեջ։ Այս պարագայում կարելի է ստեղծագործել և նոր հոբբիով զբաղվել։

 

 4. Ամուսնուց վրեժխնդիր լինել

 

Ամուսինը Ձեզ դավաճանել է, և Դուք ցանկանում եք վրեժխնդիր լինել ու հարմար առիթի դեպքում պատրաստ եք դիմել այդ քայլին։

Ճիշտ է, ցանկացած դավաճանված կին վիրավորված է, սակայն պետք է փոքր-ինչ սպասել և սթափ որոշումներ ընդունել։ Երկար մտածելուց հետո Դուք հաստատ կհասկանաք, որ դավաճանելու փոխարեն պետք է անել ամեն ինչ՝ ընտանիքը փրկելու և տղամարդուն դարձի բերելու համար։

 

5. Ինտիմ կյանքի փոփոխության ցանկություն

 

Երբ ամուսինը չի բավարարում կնոջը, վերջինիս մոտ դավաճանության ցանկություն է առաջանում։

Եթե սեռական կյանքում ինչ-որ բան զույգերից մեկին չի գոհացնում, ապա նա այդ մասին անպայման պետք է բարձրաձայնի։ Պետք է զուգընկերոջն ասել, որ դա շատ կարևոր է Ձեզ համար, և հարկավոր է միասին լուծել այդ խնդիրը։

Իրադրությունն ավելի է բարդանում, երբ տղամարդը տառապում է իմպոտենցիայով, իսկ կինը սեռական ակտիվ կյանք է ուզում վարել։ Այս դեպքում պետք է դիմել մասնագետի օգնությանը։ Դավաճանությունը հարցի լուծում չէ։

 

6. Նոր զգացողություններ

 

Կինն ունի ամեն ինչ, բայց հանկարծ հայտնվում է հաճելի մեկը, ում նա չի ճանաչում, բայց հանուն նրա պատրաստ է հրաժարվել ամեն ինչից. ասես ֆիլմի սցենարի լինի։ Նորահայտ տղամարդու հետ նա իրեն զգում է 18 տարեկան երիտասարդ կին, որը ստիպված չէ ընթրիք պատրաստել, երեխաներին դասերը սովորեցնել և այլն։ Երբեմն այս արկածները վերածվում են լուրջ հարաբերությունների, երբեմն պարզապես սահմանափակվում են մի քանի հանդիպումներով։

Այս պարագայում խելամիտ քայլեր կատարելու համար պետք է հիշել ոչ թե ընտանեկան կյանքը, այլ կին-ամուսին հարաբերությունները։ Որքանո՞վ եք Դուք համապատասխանում, բավարարում, ուշադրություն և հոգատարություն տալիս իրար։ Արդյոք Ձեր սիրային արկածը կարո՞ղ է փոխարինել այս ամենը։

 

7. Կինը կարծում է, որ ավելի լավին է արժանի

 

Սա բավականին անբացատրելի զգացում է։ Կնոջը չի բավարարում իր ամուսնությունը։ Այն ասես ծանր բեռ լինի իր համար՝  նա չի կարող թողնել ու հեռանալ, բայց միևնույն ժամանակ չի կարող շարունակել տանել այն։ Այս կնոջ համար ամուսնությունն ուղղակի սոցիալական դիրք է հասարակության մեջ, դրա համար նա կարծում է, որ կարող է բարելավել այդ դիրքը՝ ավելի լավին գտնելով։

Սակայն սա անազնիվ քայլ է, քանի որ զուգընկերներից ամեն մեկը պատասխանատու է հարաբերությունների համար, և այս դեպքում դավաճանությունը թուլության նշան է։ Ցանկացած պարագայում պետք է երկուսով լուծել խնդիրները և որքան արագ, այնքան ավելի լավ։

Աղբյուրը:



Տարածել...


loading...

Նմանատիպ նյութեր
Այլ նյութեր ՆՈՒՅՆ ԹԵՄԱՅՈՎ՝ այստեղ,    
На русском,  English,  Français,   Español,   Türkçe,
  ქართული,   فارسی,

Միացեք մեզ YouTube-ում... 18հզ. բաժանորդ



Նոր նյութեր


«Եթե քո բոլոր օրերը նման են մեկը մյուսին, ուրեմն ապրել ես ԸՆԴԱՄԵՆԸ 1 օր» 
Եթե համաձայն ես, սեղմիր Հավանել   

 

Загрузка...
Загрузка...
Կատեգորիա: Ամենաընթերցվող նյութերից | Ավելացրեց: erkusov.com (27.08.16)
Դիտումներ: 2870 | Տեգեր: որոնց, Այն, Են, հիմնական, դավաճանում, պատճառները, Ահա, ՀԱՄԱՐ, իրենց, կանայք | - Վարկանիշ -: 0.0/0

Загрузка...