RSS 

Загрузка...

Գլխավոր էջ » Հմայք » Առողջություն

Արյան վատ շրջանառության մասին վկայող նշաններ. ուշադիր եղեք
 


 


   fithacker.ru

Արյան վատ շրջանառությունը կարող է առողջական տարբեր խնդիրների հետևանք լինել: Բարդանալու դեպքում արյան վատ շրջանառությունը կարող է լուրջ հետևանքներ ունենալ, այդ պատճառով կարևոր է ժամանակին ախտորոշել խնդիրը՝ հետագա բարդություններից խուսափելու համար: Fithacker.ru-ն ներկայացրել է նշաններ, որոնք վկայում են արյան վատ շրջանառության մասին:

Վերջույթների թմրածություն: Արյան վատ շրջանառության դեպքում անհրաժեշտ քանակով արյուն չի հասնում օրգաններին և ուղեղին: Արդյունքում՝ վերջույթները հաճախ են թմրում:

Երակների վարիկոզ լայնացում: Երբ արյունը բավարար արագությամբ չի շարժվում, երակներում ճնշումը կարող է մեծանալ՝ երակներին ստիպելով մեծանալ, մգանալ:

Սառը վերջույթներ: Արյան շրջանառությունը կարևոր դեր ունի նաև մարմնի ջերմաստիճանի կարգավորման հարցում: Երբ բավարար քանակով արյուն չի հասնում ձեռքերին և ոտքերին, դրանք գրեթե միշտ սառն են լինում:

Ոտքերի այտուցվածություն: Արյան շրջանառության խնդիրները կարող են հանգեցնել ոտքերի հատվածում հեղուկի կուտակման: Այս խնդրի դեպքում կարող է օգնել ոտքերը որոշ ժամանակ վեր պահելը:

Դանդաղ ապաքինում: Արյան վատ շրջանառության դեպքում իմունային համակարգը չի կարողանում արդյունավետ աշխատել: Խնդրի առկայության դեպքում մարդը կարող է հաճախ հիվանդանալ, իսկ վնասվածքների ապաքինման համար երկար ժամանակ կպահանջվի:

Էրեկցիայի խանգարումներ: Արյան շրջանառության խանգարման դեպքում նկատվում են նաև էրեկցիայի խանգարումներ: Այս դեպքում ևս բժշկական միջամտություն է պահանջվում:

Մշտական հոգնածություն: Երբ ուղեղին անհրաժեշտ քանակով թթվածին չի հասնում, այն նորմալ չի կարողանում աշխատել: Մկանների աշխատանքը ևս դժվարանում է: Այս ամենը հանգեցնում է թուլության և հոգնածության մշտական զգացման:

Ճնշում կրծքավանդակում: Անհրաժեշտ քանակով թթվածնի բացակայության դեպքում տուժում է սրտի աշխատանքը: Դա կարող է հանգեցնել ցավի, ծանրության, ճնշման զգացման կրծքավանդակի հատվածում:

Մաշկի գունատություն: Եվս մեկ խնդիր, որի պատճառն արյան վատ շրջանառությունն է: Խնդիրը կարող է կարգավորվել սննդակարգ բավարար քանակով երկաթ ներառելու դեպքում:

Անբացատրելի մազաթափություն: Եթե առկա չեն այլ առողջական խնդիրներ, սակայն մազաթափությունը շարունակվում է, հարկավոր է ուշադրություն դարձնել արյան շրջանառությանը: Փորձեք գլխամաշկը մերսել ձիթապտղի յուղով: Դա կօգնի մեծացնել արյան հոսքը, ամրացնել մազարմատները:




Տարածել...
 

Նմանատիպ նյութեր



loading...

Загрузка...

Նոր նյութեր


Միացեք մեզ YouTube-ում... 60հզ.+ բաժանորդ


Կատեգորիա: Առողջություն | Ավելացրեց: erkusov.com (27.08.18) | Հեղինակ: fithacker.ru
Դիտումներ: 451 | Տեգեր: վկայող, մասին, Արյան, եղեք, շրջանառության, Ուշադիր, ՎԱՏ, նշաններ. | - Վարկանիշ -: 0.0/0
Загрузка...