Загрузка...
Ողջույն, Հյուր!
       Կիրակի, 19.11.17  Русский  English  Français   Español   Türkçe   ქართული   فارسی

Գլխավոր էջ » Բազմազան տեսանյութեր » Խոհանոց


Շագանակով չրեղենով և գառան մսով տոնական փլավ
 
 


   aravot.am

Այս տոնական եւ շքեղ փլավը կարելի է առանց մսի պատրաստել, եւ նրանք, ովքեր նախընտրում են Ամանորին սեղանը զարդարել ոչ թե մսեղենով, այլ պահք պահել՝ մինչեւ Սուրբ ծնունդը՝ հունվարի 6-ը, ինչպես դարեր շարունակ արել են մեր նախնիները, եւ Ամանորի սեղանին դնել միայն պահքի ուտելիքներ, շատ կգոհանան այս բաղադրատոմսով: Սակայն պետք է խոստովանել, որ գառան մսով այն նույնպես շատ ու շատ համեղ է:
 

Անհրաժեշտ մթերքները

Գառան միս- 1 կգ
Շագանակ- 1 կգ
Մանր սոխ- 8-9 հատիկ, կամ խոշոր սոխ՝ 2-3 գլուխ՝ չորս մասի բաժանած
սխտոր- 1 պճեղ
չրեղեն- 1 բաժակ
գազար- 2-3 հատ
չոր լավաշ- 1 հատ
բրինձ- 1 կգ
բուսական յուղ- 4-5 ճաշի գդալ
կարագ-100 գրամ


Պատրաստման եղանակը

Գառան միսը նախօրոք՝ ցանկալի է մի քանի ժամ, նույնիսկ՝ մեկ օր առաջ, կտրատեք մանր կտորների, համեմեք աղով, կարմիր եւ սեւ պղպեղներով, չորացրած կանաչիներով՝ ծիթրոն, ուրց, դաղձ եւ այլն, եւ ձիթապտղի յուղով: Եթե մեկ օր եք պահելու՝ դրեք սառնարան, եթե մեկ-երկու ժամ, կարող եք չդնել սառնարան:

Շագանակների վրա խաչաձեւ կտրվածք արեք եւ դրեք ջեռոց՝ 20-30 րոպեով: Երբ խորովվեն, մաքրեք: Չթողնեք շատ սառչի, այլապես մաքրելը կդժվարանա:


Մանր սոխը մաքրեք, եթե խոշոր է՝ կտրատեք չորս մասի:
Գազարը նույնպես խոշոր կտրատեք:
Սխտորը թողեք ամբողջական գլխով:


Թավայի մեջ դրեք կարագը, որի մեջ արագ տապակեք չրեղենը: Չրերը (ծիրան, թուզ, դեղձ, խնձոր) ցանկալի չէ կտրատել՝ փլավի գեղեցիկ տեսքի համար նախընտրելի է, որ բոլոր բաղադրամասերը նույն չափի լինեն՝ շագանակի չափի:

 

Չրերը թավայից հանեք՝ առանց յուղը դատարկելու, լցրեք ամանի մեջ, իսկ նույն թավայի մեջ՝ չրերի համը ստացած կարագի մեջ շատ արագ տապակեք կտրատած լավաշը:

 

Առանձին թավայի մեջ տաքացրեք բուսական յուղը, մեջը լցրեք սոխը, գազարը, շագանակը: Թողեք մի քիչ կարմրի, հանեք թավայից: Նույն թավայի եւ նույն ձեթի մեջ բոլոր կողմերից տապակեք մանր կտրատած միսը, որից հետո ավելացրեք բրինձը: Երբ բրինձն էլ 2-3 րոպե կտապակվի, թավայի մեջ ավելացրեք մնացած բոլոր մթերքները՝ տապակած սոխը, գազարը, շագանակը, չրերը, գլուխ սխտորը: Վրան լցրեք եռացրած ջուր, այնքան, որ ծածկի թավայի ամբողջ պարունակությունը, աղ արեք՝ ըստ ճաշակի, կափարիչով փակեք, եւ թողեք եփվի ամենամարմանդ կրակի վրա:
Վերջին պահին, երբ տեսնեք, որ արդեն ջուրը գրեթե քաշվում է, փլավի վրա ավելացրեք նաեւ տապակած լավաշը: Կրակն անջատեք եւ կափարիչը փակ թողեք եւս 10-15 րոպե, նոր մատուցեք:

Բնականաբար, եթե պատրաստելու եք պասային տարբերակը՝ բաց եք թողնում մսին առնչվող բոլոր պահերը, իսկ չրեղենը տապակում եք ոչ թե կարագով, այլ նորից՝ բուսական յուղով:







 



Տարածել...


Կատեգորիա: Խոհանոց | Ավելացրեց: 01.11.17 | Հեղինակ: aravot.am

loading...

Նմանատիպ նյութեր
Այլ նյութեր ՆՈՒՅՆ ԹԵՄԱՅՈՎ՝ այստեղ,    
На русском,  English,  Français,   Español,   Türkçe,
  ქართული,   فارسی,
Загрузка...

Միացեք մեզ YouTube-ում... 21հզ.+ բաժանորդ



Նոր նյութեր


«Եթե քո բոլոր օրերը նման են մեկը մյուսին, ուրեմն ապրել ես ԸՆԴԱՄԵՆԸ 1 օր» 
Եթե համաձայն ես, սեղմիր Հավանել   

 

Загрузка...
Загрузка...
Կատեգորիա: Խոհանոց | Ավելացրեց: erkusov.com (01.11.17) | Հեղինակ: aravot.am
Դիտումներ: 91 | Տեգեր: տոնական, գառան, մսով, չրեղենով, Շագանակով, փլավ | - Վարկանիշ -: 0.0/0

Загрузка...
Загрузка...
Загрузка...