Загрузка...
Ողջույն, Հյուր!
       Շաբաթ, 16.12.17  Русский  English  Français   Español   Türkçe   ქართული   فارسی

Գլխավոր էջ » Բազմազան տեսանյութեր » Խոհանոց


Լազանյա տոնական և առօրյա սեղանների համար
 
 


   aravot.am

Իտալական խոհանոցի ամենահամեղ, հագեցնող և, խոստովանենք՝ կալորիական ուտելիքներից մեկը լազանյան է: Լազանյան իտալական պաստաների՝ մակարոնեղենի տեսակներից մեկն է: Իսկական, ճիշտ լազանյան պատրաստվում է թարմ խմորից, սակայն չոր խմորից՝ լայն, տափակ մակարոններից պատրաստված լազանյան էլ ոչնչով չի զիջում՝ համեղ է, գեղեցիկ և ախորժաբեր:

Լազանյան պատրաստում են տարբեր միջուկներով, տարբեր լցոններով: Սակայն դասական, ավանդական լազանյան պատրաստվում է երկու տեսակի սոուսից՝ բեշամել եւ բոլոնյեզ, լազանյայի խմորե թերթիկներից եւ պանրից:

Որպեսզի աշխատանքը շատ ծանր ու երկարատեւ չթվա, կարելի է սոուսները պատրաստել նախապես՝ մեկ, անգամ՝ երկու օր առաջ, եւ հյուրերի գալու օրը պարզապես հավաքել լազանյան:

Եվ այսպես, մի մեծ թավա լազանյա պատրաստելու համար՝ 12-15 հոգու համար, անհրաժեշտ են հետեւյալ մթերքները.
 

Բոլոնյեզ սոուսի համար

1 կգ աղացած միս, 3 գլուխ սոխ, 2-3 պճեղ սխտոր, չորացրած կանաչիներ` ծիթրոն, անանուխ (նանա), ուրց (սրանք բոլորն էլ սուր հոտով համեմունքներ են, այնպես որ կարող եք օգտագործել միայն մեկը, որը ձեռքի տակ ունենաք), թարմ կանաչիներ, համեմուքներ՝ աղ, սեւ եւ կարմիր պղպեղ, դարչին, համեմի աղացած սերմ, 0,5-1 բաժակ կարմիր գինի, ձիթապտղի յուղ, 8-10 հատ թարմ լոլիկ կամ 1 բանկա սեփական հյութի մեջ պահածոյացված, կեղեւահան արված լոլիկ:


Բեշամել սոուսի համար

50-100գ կարագ, 3-4 ճաշի գդալ ալյուր, 1 լիտր կաթ

մշկընկույզ (мускатный орех)

Ինչպես նաեւ՝ 150-200 գրամ դեղին պանիր, լոլիկ,  200-250 գրամ չոր լազանյայի խմոր

                                                                               
 


Պատրաստաման եղանակը

Բոլոնյեզ

Աղացած միսը քիչ ջրով եփել՝ պարբերաբար խառնելով: Երբ ջուրը քաշի, ավելացնել ձիթապտղի յուղը, կտրատած սոխը, սխտորը եւ համեմուքները, մի քանի րոպե տապակել` մինչեւ սոխը եփվի:

Ապա ավելացնել  լոլիկները (եթե թարմ են` կեղեւահանել, եթե պահածոյացված` հյութի հետ միասին), եփել այնքան, որ լոլիկները լուծվեն մսի մեջ: Ավելացնել կարմիր գինին: Նկատի ունեցեք, որ պետք է բավականաչափ ջրիկ լինի սոուսը, որպեսզի կարողանա բավարարել չոր մակարոնների` լազանյայի խմորի համար այնքան հեղուկ, որ այն հասցնի եփվի: Եթե զգաք, որ հարկ եղածից պինդ է, կարող եք էլի գինի ավելացնել, կամ տոմատի հյութ: Վերջում ավելացնել թարմ, կտրատած կանաչիները` մաղադանոս, համեմ, ռեհան, ծիթրոն:

Թողնել սառչի:Ի դեպ, եթե լազանյան պատրաստելու եք հաջորդ օրը, ապա պատրաստի սոուսը պահեք սառնարանում:

Բեշամել

Կարագը դնել փոքրիկ կաթսայի մեջ եւ հալեցնել, ավելացնել ալյուրը, մեկ-երկու րոպե ալյուրը կարագով բովել, ապա քիչ-քիչ ավելացնել կաթը` անընդհատ փայտե գդալով խառնելով, որպեսզի գնդիկներ չառաջանան:

 

Երբ ամբողջ կաթն ավելացրած լինեք, ավելացնել մշկընկույզը (мускатный орех): Բեշամել սոուսը առանց մշկընկույզի չի լինում, այնպես որ այս պահը բաց չթողնեք, իսկ մշկընկույզը միայն թարմ քերածն է ճիշտ համ ու բույր տալիս, այնպես որ աղացածը գնելու համար գումար ծախսելն անիմաստ է:

Թողնել սառչի: Այս սոուսն էլ է հարկավոր սառնարանում պահել այն դեպքում, եթե նույն օրը չեք օգտագործելու:

Հավաքում ենք լազանյան

Եթե արդեն ունեք պատրաստի բեշամել եւ բոլոնյեզ սոուսները, որոնք նախապես եք պատրաստել` թեկուզ մեկ-երկու օր առաջ, ապա, ըստ էության, ձեզ մնացել է անել ամենահաճելի եւ թեթեւ աշխատանքը` հավաքել լազանյան: Դա կխլի ընդամենը հինգ-տաս րոպե:

Հրակայուն քառանկյուն ամանի (դա կարող է լինել հատուկ ջեռոցի համար թույլատրելի ապակուց, կերամիկայից, չուգունից` որը հարմար գտնեք) հատակը պատել բեշամել սոուսով: Վրան շարել լազանյայի խմորիկները:

Չոր լազանյայի խմորների վրա լցրեք բոլոնյեզ սոուսից եւ տարածեք ամբողջ մակերեսով:

Ապա կրկնում ենք շերտերը` բեշամել, խմոր, բոլոնյեզ: Վերջին շերտը լինում է սպիտակ սոուսը` բեշամելը, որի վրա լցնել քերած դեղին պանիրը, զարդարել կտրատած լոլիկներով:

Դնել 220 աստիճանով տաքացված ջեռոցը` մոտ 20 րոպեով` մինչեւ պանիրը ամբողջությամբ հալվի, իսկ լոլիկները թորշոմեն: Մատուցել տաք-տաք: Բարի ախորժակ:







Տարածել...


Կատեգորիա: Խոհանոց | Ավելացրեց: 01.12.17 | Հեղինակ: aravot.am

loading...

Նմանատիպ նյութեր
Այլ նյութեր ՆՈՒՅՆ ԹԵՄԱՅՈՎ՝ այստեղ,    
На русском,  English,  Français,   Español,   Türkçe,
  ქართული,   فارسی,
Загрузка...

Միացեք մեզ YouTube-ում... 23հզ.+ բաժանորդ



Նոր նյութեր


«Եթե քո բոլոր օրերը նման են մեկը մյուսին, ուրեմն ապրել ես ԸՆԴԱՄԵՆԸ 1 օր» 
Եթե համաձայն ես, սեղմիր Հավանել   

 

Загрузка...
Загрузка...
Կատեգորիա: Խոհանոց | Ավելացրեց: erkusov.com (01.12.17) | Հեղինակ: aravot.am
Դիտումներ: 71 | Տեգեր: տոնական, սեղանների, ՀԱՄԱՐ, Առօրյա, Լազանյա | - Վարկանիշ -: 0.0/0

Загрузка...
Загрузка...
Загрузка...