Загрузка...
Ողջույն, Հյուր!
       Շաբաթ, 18.11.17  Русский  English  Français   Español   Türkçe   ქართული   فارسی

Գլխավոր էջ » Բազմազան տեսանյութեր » Խոհանոց


Եռաշերտ տորթ
 
 


   

Շատ համեղ և արտաքնապես գեղեցիկ այս տորթը կզարդարի ցանկացած տոնական սեղան:


Անհրաժեշտ մթերքները

Խմորի համար

Ձու- 4 հատ

Շաքարավազ- 1,5 բաժակ

Կարագ կամ յուղ- 150 գրամ

Թթվասեր- 450 գրամ (կարող եք կեսը փոխարինել մածունով)

Ալյուր- 2 բաժակ

Սոդա- 1,5 թեյի գդալ

Կակաչի սերմեր- 3/4 բաժակ

Ծիրանի չիր- 3/4 բաժակ

Ընկույզ – 3/4 բաժակ
 

Կրեմի համար

Կարագ- 200 գրամ

Շաքարավազ- 1 բաժակ

Եգիպտացորենի կամ կարտոֆիլի օսլա- 2 ճաշի գդալ

Կաթ-0,5լ

Վանիլի մզվածք – 2 ճաշի գդալ (կամ մեկ տուփ փոշի վանիլ)

Զարդարելու համար– 0,5 բաժակ աղացած ընկույզ կամ մանրած նուշ
 


Պատրաստման եղանակը

 

Սկզբում պետք է պատրաստել խմորը: Կարագն ու շաքարավազը լավ հարեք, հատ-հատ ավելացրեք ձուն, կրկին լավ հարեք: Ավելացրեք թթվասերը, սոդան եւ ալյուրը: Խմորը բաժանեք երեք հավասար մասի: Առաջինին ավելացրեք աղացած ընկույզը, երկրորդին՝ կակաչի սերմերը եւ երրորդին՝ մանր կտրատած ծիրանաչիրը: (Ի դեպ, չիրը կարող եք նախապես թրջել կոնյակի կամ շատ մուգ թեյի մեջ, որպեսզի փափկի):

 

Յուրաքանչյուր շերտը առանձին եփեք 180 աստիճան տաքացված ջեռոցում: Պատրաստ լինելը ստուգեք փայտե չոփիկով՝ եթե չոր է դուրս գալիս խմորի միջից, ուրեմն պատրաստ է:

 

Մինչ խմորները եփվում են պատրաստեք կրեմը: Շաքարավազը, օսլան եւ ձուն լավ հարեք փոքր կաթսայի մեջ: Եռացրած կաթը բարակ շիթով ավելացրեք այդ խառնուրդին, որն այդ ընթացքում պետք է անընդհատ հարել, որպեսզի ձուն հանկարծ չեփվի: Երբ լրիվ կաթն ավելացնեք, կաթսայով դրեք շատ մարմանդ կրակին եւ անընդհատ խառնելով եփեք մինչեւ կրեմը պնդանա: Սենյակային ջերմաստիճանի հասցրած թույլ կարագը առանձին ամանում լավ հարեք, գդալ-գդալ ավելացրեք ամբողջապես սառած եփած կրեմը եւ հարեք: Ամենավերջում ավելացրեք վանիլի մզվածքը:

Ի դեպ, այս տորթի համար կարող եք ավելի հեշտ կրեմ էլ պատրաստել՝ 1 տուփ կարագը լավ հարելով 1 տուփ խտացրած կաթի եւ մեկ տուփ վանիլի փոշու հետ:

 

Երբ խմորի բոլոր շերտերը եփված եւ լրիվ սառած կլինեն, միացրեք դրանք իրար կրեմով: Կրեմով պատեք նաեւ տորթի եզրերը եւ վրայի շերտը: Աղացած ընկույզով պատեք տորթի եզրերը, վրան զարդարեք աղացած կամ կտրատած ընկույզով կամ նուշով:

 

Բարի ախորժակ:

Աղբյուրը:



Տարածել...


Կատեգորիա: Խոհանոց | Ավելացրեց: 15.09.17

loading...

Նմանատիպ նյութեր
Այլ նյութեր ՆՈՒՅՆ ԹԵՄԱՅՈՎ՝ այստեղ,    
На русском,  English,  Français,   Español,   Türkçe,
  ქართული,   فارسی,
Загрузка...

Միացեք մեզ YouTube-ում... 21հզ.+ բաժանորդ



Նոր նյութեր


«Եթե քո բոլոր օրերը նման են մեկը մյուսին, ուրեմն ապրել ես ԸՆԴԱՄԵՆԸ 1 օր» 
Եթե համաձայն ես, սեղմիր Հավանել   

 

Загрузка...
Загрузка...
Կատեգորիա: Խոհանոց | Ավելացրեց: erkusov.com (15.09.17)
Դիտումներ: 478 | Տեգեր: Տորթ, Եռաշերտ | - Վարկանիշ -: 0.0/0

Загрузка...
Загрузка...
Загрузка...