Կենդանության օրոք նա դարձավ դասական, իսկ մահից հետո` լեգենդ: Նրա վեպերն աննման մարգարիտներ էին և միաժամանակ ասես սիրային երկխոսության պատառիկներ լինեին, որ սիրահար զույգերը շշնջում են Սեն ժերմեն պողոտայի հեքիաթային սրճարաններում: Նրա վեպերը վերնագրված են այնպես, ինչպես կարելի է վերնագրել առօրյա կյանքի հոգեհարազատ դրվագներն ու երջանիկ ակնթարթները՝ «Բարև, թախիծ», «Սիրու՞մ եք արդյոք Բրամս», «Հոգու կապտուկներ» և այլն:
 
Ֆրանսուազ Սագան. Մանրամասներ սկանդալային գրողի մասին

Իսկ ընդհանուր առմամբ, իր բոլոր վեպերում նա երկխոսության մեջ էր իր անցյալի, հեռացած ու մոռացված սերերի, հավատարիմ ընկերների ու սիրելի քաղաքի՝ ոսկեփայլ Փարիզի հետ: Նա ինքն էլ մարմնավորում էր իր երգած Փարիզը, որը, ավադ, մինչև Սագանի մահն արդեն վաղուց կերպարանափոխվել էր, անհետացել Պոնտ Նեֆ կամրջի մանուշակագույն մթնշաղում և... վերածնվել նոր կերպարանքով, նոր փայլով: /Անձնական կյանք - Ֆրանսուազ Սագան. Մանրամասներ սկանդալային գրողի մասին erkusov.com" />

Загрузка...
Ողջույն, Հյուր!
       Ուրբաթ, 24.11.17  Русский  English  Français   Español   Türkçe   ქართული   فارسی

Գլխավոր էջ » ԱՍՏՂԵՐ » Անձնական կյանք


Ֆրանսուազ Սագան. Մանրամասներ սկանդալային գրողի մասին
 
 


   erkusov.com

Կենդանության օրոք նա դարձավ դասական, իսկ մահից հետո` լեգենդ: Նրա վեպերն աննման մարգարիտներ էին և միաժամանակ ասես սիրային երկխոսության պատառիկներ լինեին, որ սիրահար զույգերը շշնջում են Սեն ժերմեն պողոտայի հեքիաթային սրճարաններում: Նրա վեպերը վերնագրված են այնպես, ինչպես կարելի է վերնագրել առօրյա կյանքի հոգեհարազատ դրվագներն ու երջանիկ ակնթարթները՝ «Բարև, թախիծ», «Սիրու՞մ եք արդյոք Բրամս», «Հոգու կապտուկներ» և այլն:
 
Ֆրանսուազ Սագան. Մանրամասներ սկանդալային գրողի մասին

Իսկ ընդհանուր առմամբ, իր բոլոր վեպերում նա երկխոսության մեջ էր իր անցյալի, հեռացած ու մոռացված սերերի, հավատարիմ ընկերների ու սիրելի քաղաքի՝ ոսկեփայլ Փարիզի հետ: Նա ինքն էլ մարմնավորում էր իր երգած Փարիզը, որը, ավադ, մինչև Սագանի մահն արդեն վաղուց կերպարանափոխվել էր, անհետացել Պոնտ Նեֆ կամրջի մանուշակագույն մթնշաղում և... վերածնվել նոր կերպարանքով, նոր փայլով:

... Կան մարդիկ, որոնք դեպի իրենց են ձգում դժբախտությունը: Ֆրանսուազա Սագանը նրանցից մեկն Էր: Նա շարունակ ինչ֊որ անհաջողություններ էր ունենում. մեկ տանուլ Էր տալիս կազինոյում իր ողջ ունեցվածքը, մեկ նրան մեղադրում էին թմրանյութեր թաքցնելու մեջ... և այլն... և այլն: Սակայն նա սուրում էր կյանքում այնպես, ինչպես սուրում էր իր մեքենայով հարազատ քաղաքում:
Այդ ընթացքում նա լսում էր միայն այն երաժշտությունը, որը հնչում Էր իր հոգում՝ իր սիրելի Բիլլի Հոլիդեյի երաժշտությունը:

Նա կյանքի հետ մրցավազքի մեջ էր մտել և փորձում էր իրականությունից հեռանալ՝ օգտագործելով թմրանյութեր, ալկոհոլ, սև սուրճ:

Գրականության խոշորագույն դեմքերն ու քննադատները մշտապես մեղադրում էին նրան լուրջ գրականությունից հեռու լինելու և այդպես էլ որևէ «գլուխգործոց» չստեղծելու համար: Սակայն հասարակությունը սիրում էր նրան այնպես, ինչպես կար: Սիրում էին նրան իր ստեղծած կերպարների, գլխապտույտ բովանդակության, դատողությունների համար: Ընթերցողը սպասում էր նրա վեպերին անհամբերությամբ, այնպես, ինչպես սպասում են հանդիպմանը մտերիմ մարդու հետ: ճիշտ է, նա ունենում էր նաև անհաջողություններ և ձախորդություններ, սակայն այդ ամենն ընդունում էր «թեթևամիտ խաղամոլի» ժպիտով և ինքնավստահորեն շարունակում ապրել: ճակատագիրը հաճախ էր ձաղկում նրան՝ անհաջող ամուսնություններ, բաժանումներ, ծանր հիասթափություններ, ծայրահեղ աղքատություն, իսկ հետո՝ սեր, բարձր հոնորարներ, փառք, ճանաչում: Հաճախ նա տեղափոխվում էր մի բնակարանից մյուսը, իսկ երբ նրան հարցնում էին պատճառը, պատասխանում էր. «Չեմ կարողանում շարունակ նայել նույն ամպերին, արագորեն հոգնում եմ»:

Ֆրանսուազ Սագան. Մանրամասներ սկանդալային գրողի մասինՆրա հոգում միշտ ապրում էր մռայլ, հախուռն բնավորությամբ պատանին՝ կրծած եղունգներով, գայլի ձագի զգուշավոր հայացքով, որը դողում էր իր ոչինչ չարժեցող ազատության վրա: Նա չէր ուզում դառնալ դասական գրող, այնպիսին, որի «ստեղծագործություններն ընդգրկված են դպրոցական ծրագրում»: Նա սիրում էր նորաձևությունը, երիտասարդությունը, արագությունը, Սեն-Տրոպեզի չքնաղ հանգստավայրերը:

Բազմաթիվ ավտովթարների ենթարկվելով՝ նա հաճախ գտնվել էր կյանքի և մահվան սահմանագծին: Հասարակությունը նույնիսկ հաշտվել էր այն մտքի հետ, որ Սագանը կգնա այս աշխարհից երիտասարդ տարիքում:
Սակայն ճակատագիրը նրան չնվիրեց նույնիսկ այդպիսի հնարավորություն:

Ընթերցողները սովորեցին նրա գոյությանն ու նույնիսկ ձանձրացան նրա վեպերից: Նրանց համար սովորական դարձավ այն, որ հանրաճանաչ գրող Ֆրանսուազ Սագանն ապրում է Փարիզի և Մոնտե Կառլոյի միջև, մսխում է իր միլիոնները, բուժվում թմրանյութերի օգտագործումից: Նա բոլորի համար ունի թաքնված «ամաչկոտ ժպիտ» և «մի քիչ արև՝ պաղ ջրի մեջ»: Ի տարբերություն իր ապրած հախուռն կյանքի՝ Սագանը մահացավ խաղաղ և, ինչպես ինքն էր երբևէ գրել, «ծիծաղը Աստծուն ուղղված մի հանդուգն քայլ է: Մի օր ես էլ կմեռնեմ և այդ մտքից ուզում եմ ծիծաղել...»:

 



Տարածել...



Հրապարակման պատրաստեց` ԵՐԿՈՒՍՈՎ - Կին-Տղամարդ հարաբերություններ
Կատեգորիա: Անձնական կյանք | Ավելացրեց: 07.10.14 | Հեղինակ: erkusov.com

loading...

Նմանատիպ նյութեր
Այլ նյութեր ՆՈՒՅՆ ԹԵՄԱՅՈՎ՝ այստեղ,    
На русском,  English,  Français,   Español,   Türkçe,
  ქართული,   فارسی,
Загрузка...

Միացեք մեզ YouTube-ում... 21հզ.+ բաժանորդ



Նոր նյութեր


«Եթե քո բոլոր օրերը նման են մեկը մյուսին, ուրեմն ապրել ես ԸՆԴԱՄԵՆԸ 1 օր» 
Եթե համաձայն ես, սեղմիր Հավանել   

 

Загрузка...
Загрузка...


Հրապարակման պատրաստեց` ԵՐԿՈՒՍՈՎ - Կին-Տղամարդ հարաբերություններ
Կատեգորիա: Անձնական կյանք | Ավելացրեց: erkusov.com (07.10.14) | Հեղինակ: erkusov.com
Դիտումներ: 2556 | Տեգեր: գրականություն, ի՞նչ կարդալ այսօր, Երկուսով ընթերցարան, դիմանկար, արշե կարդալ, Հայտնիներ, Ներաշխարհ, Ինտիմ պատմություններ | - Վարկանիշ -: 0.0/0

Загрузка...
Загрузка...
Загрузка...