Загрузка...

Գլխավոր էջ » Lifestyle News » Լրահոսից

Հայ ժողովրդից ներողություն ենք խնդրում բոլոր չարածների համար. Էդուարդ Շարմազանով
 

 


   

Ազգային ժողովում հայտարարությունների ժամին ելույթ ունեցավ ԱԺ փոխնախագահ Էդուարդ Շարմազանովը եւ հայ ժողովրդից ներողություն խնդրեց նախորդ տարիներին իրենց չարածների համար: Նա ընդգծեց, որ իրենք ունեցել են բազմաթիվ սխալներ, թերություններ ու մեղքեր:

«Եվ եթե անհրաժեշտություն կա, մենք մեր ժողովրդին կարող ենք ասել, որ ներողություն ենք խնդրում այն բոլոր չարածի համար, որ պետք է անեինք այս տարիների ընթացքում եւ մեր նոր իշխանության գործընկերներին մաղթում ենք, որ կարողանան ավելին անել, քան մենք արել ենք: Ներողություն, եթե չենք կարողացել արդարացնել ձեր սպասելիքները, սակայն մենք շարունակելու ենք գործել հանուն Հայաստանի Հանրապետության»,- հայտարարեց Շարմազանովը:

Շարմազանովը արձանագրեց, որ նոր կառավարությունը, շարունակելով նախորդ կառավարության արտաքին քաղաքական կուրսը, այն է՝ ԵԱՏՄ կառույցում շարունակել աշխատել եւ խորացնել հարաբերությունները, ՀԱՊԿ-ում շարունակել աշխատել եւ խորացնել հարաբերությունները, ՌԴ-ի հետ խորացնել դաշնակցային հարաբերությունները, փաստում է, որ նախորդ իշխանության իրականացրած արտաքին եւ անվտանգային ու պաշտպանական քաղաքականությունն արդարացված էր եւ բխում էր Հայաստանի եւ Արցախի ժողովրդի շահերից: ՀՀ ԱԺ փոխնախագահն ափսոսանքով նկատեց, որ այդ ամենով հանդերձ երբեմն ականատես են լինում գնահատականների, որոնց նպատակն է սեւացնել ամեն ինչ, ինչ եղել է նախկինում: Շարմազանովը շեշտեց, որ դիմացինին սեւացնելով որեւէ մեկը չի կարող բյուրեղանալ: Նրա խոսքով՝ ամեն մեկի եւ ամեն ինչի գնահատականը տալու է ժամանակը:



Տարածել...
 

Կատեգորիա: Լրահոսից | Ավելացրեց: 12.06.18

loading...

Նմանատիպ նյութեր

Այլ նյութեր ՆՈՒՅՆ ԹԵՄԱՅՈՎ՝
այստեղ,    
На русском,  English,  Français,   Español,   Türkçe,
  ქართული,   فارسی,

Միացեք մեզ YouTube-ում... 30հզ.+ բաժանորդ



Նոր նյութեր

 

Загрузка...
Загрузка...
Կատեգորիա: Լրահոսից | Ավելացրեց: erkusov.com (12.06.18)
Դիտումներ: 865

Загрузка...
Загрузка...