RSS 

Загрузка...

Գլխավոր էջ » Lifestyle News » Lifestyle

Երազում էր Փաշինյանի հետ նկարվել, պարզվեց նրա տանն է ապրելու. Հիմա մտածում է՝ ինչ նվեր է տանելու
 


 


   

Լարիսա Ղարսլյանը Հայաստանում «Թավշյա հեղափոխությունից» մինչ օրս երազում էր վարչապետի հետ լուսանկար ունենալու մասին, նրանց տանն ապրելու մասին նույնիսկ ենթադրել չէր կարող: Օգոստոսի 9-ից նա 10 օրով կհյուրընկալվի ՀՀ վարչապետ Նիկոլ Փաշինյանի տանը, հաղորդում է Jnews.ge-ն։ 

18-ամյա աղջնակը լսելով «Քայլ դեպի տուն» ծրագրի մասին, որոշել է անպայման մասնակցել, սակայն մինչեւ այսօր տեղյակ չի եղել, որ հազարավոր մասնակիցներից մեկին հյուրընկալելու պատրաստակամություն էր հայտնել վարչապետի ընտանիքը: Լարիսան իրեն երջանիկ է համարում, որ բախտ է վիճակվել ապրել ՀՀ վարչապետի տանը:

«Հենց որ զանգեցին ասացին, չգիտեի ինչ անեի, ուրախությունից թռվռում էի: Անկեղծ ասած տեղյակ չեմ էլ եղել վիճակահանության մասին: Մեծ անակնկալ էր: Վստահ եմ, շատ լավ ժամանակ եմ անցկացնելու», – ասաց Լարիսա Ղարսլյանը:

Վերջինս չի թաքցնում այն մեծ ուրախությունը եւ արդեն մտածում է, թե ինչ նվեր է տանելու, որ վարչապետին միշտ հիշեցնի Ջավախքն ու Վրաստանը:

«Այդ 10 օրը շատ բան է փոխում, նախ օտար միջավայր, ինքնուրույն լինել, առավել եւս հյուրընկալվելու եմ վարչապետի տանը, ինձ համար մեծ պատիվ է, միեւնույն ժամանակ մեծ պատասխանատվություն», – նշեց Լարիսան:

Ջավախքի գողտրիկ անկյուններից մեկում բնակվող Լարիսա Ղարսլյանն այս տարի է դպրոցն ավարտել եւ ընդունվել է Իլիայի պետական համալսարան Թբիլիսիում, ընտրելով միջազգայնագետի մասնագիտությունը: Նա ստեղծագործում է, 10 տարի է պարով է զբաղվում:

Լարիսան երազում է ՀՀ վարչապետ Նիկոլ Փաշինյանի հետ լուսանկարվելու եւ կրթությունն արտասահմանում, մասնավորապես Անգլիայում եւ Գերմանիայում շարունակելու մասին: Առաջինը շուտով իրականություն կդառնա բախտի բերմամբ, իսկ երկրորդին՝ ինքնուրույն է ձգտելու:



Տարածել...
 

Նմանատիպ նյութեր



loading...

Загрузка...

Նոր նյութեր


Միացեք մեզ YouTube-ում... 30հզ.+ բաժանորդ


Կատեգորիա: Lifestyle | Ավելացրեց: erkusov.com (06.08.18)
Դիտումներ: 770